ეკლესიური ცხოვრებისა და საეკლესიო წესებისათვის

თავი 3

აღსარება

5. მღვდლის ზნეობა ახდენს თუ არა გავლენას აღსარების საიდუმლოზე?

თუნდაც მოძღვარი თვითონ რაიმე მძიმე ცოდვებს ჩადიოდეს, ან არასწორი სარწმუნოებრივი შეხედულებები ჰქონდეს, თუკი ის ეკლესიისგან განკვეთილი არ არის, მის მიერ აღსრულებული აღსარების საიდუმლო, ისევე როგორც ნებისმიერი სხვა საიდუმლო და ეკლესიური წესი, აღსრულებულად ითვლება. თუმცა, უნდა აღინიშნოს, რომ მღვდლის არასწორმა საქციელმა ან დარიგებამ შეიძლება ეკლესიაში ახალმოსული მორწმუნე დააბრკოლოს. წმ. იოანე ოქროპირი ამბობს: „ღვთის ნიჭები იმგვარი არაა, რომ მღვდლების სათნოებებზე იყოს დამოკიდებული. ყველაფერი მადლის მიერ აღესრულება – მღვდლის საქმეა ბაგეთა განღება, ხოლო ღმერთი იქმს ყოველივეს; მღვდელი მხოლოდ ხილულ მოქმედებას ასრულებს“.[1] ამავდროულად იგივე მამა გვეუბნება: „ისე არაფერი განარისხებს ღმერთს, როგორც უღირსი მღვდელმოქმედება“.[2]

შემდეგი

სარჩევი