ეკლესიური ცხოვრებისა და საეკლესიო წესებისათვის
თავი 1
ეკლესიური ცხოვრება
7. საიდან დამკვიდრდა ეკლესიაში ის წესები, რომლებზეც არაა საუბარი ბიბლიაში?
ცხადია, ყველაფერი, რაც უფალმა ასწავლა მოციქულებს და რაც სულთმოფენობის შემდეგ სული წმიდამ გამოუცხადა მათ, ისევე როგორც მათ მემკვიდრეებს, ვერ იქნებოდა წმიდა წერილში ჩაწერილი. ეკლესიაში დღეს არსებულ წესთაგან ნაწილი გადმოგვეცა მოციქულთა გადმოცემით, ნაწილი მათმა მემკვიდრეებმა, სული წმიდის მადლით განბრძნობილმა ეკლესიის დიდმა მოძღვრებმა დააწესეს ეკლესიის საჭიროების მიხედვით. მაგალითად, წმ. ბასილი დიდი ამბობს, რომ მოციქულთა გადმოცემიდან მომდინარეობს პირჯვრის გამოსახვა, აღმოსავლეთით ლოცვა, ნათლობის წყლის კურთხევა, კვირას და ზატიკის პერიოდში მუხლმოდრეკის გარეშე ლოცვა და სხვ.[1]
[1] წმ. ბასილი დიდი, სული წმიდის შესახებ, ამფილოქე იკონიელის მიმართ, თ.27.
შემდეგი
სარჩევი
|
