ეკლესიური ცხოვრებისა და საეკლესიო წესებისათვის
თავი 1
ეკლესიური ცხოვრება
2. რატომ არ შეიძლება დავიცვათ სახარებისეული მცნებები ეკლესიური ცხოვრების გარეშე?
ზოგიერთები ფიქრობენ, რომ ეკლესიური ცხოვრება არ არის აუცილებელი იმისთვის, რომ ადამიანმა სახარებისეული მცნებების მიხედვით იცხოვროს, მაგრამ ეს მოსაზრება ეკლესიის არსის უცოდინრობიდან მომდინარეობს. უფალმა იესო ქრისტემ იმიტომ დააფუძნა თავისი ეკლესია, რომ სწორედ ეკლესიის საშუალებით გვეძლევა მადლი ღვთისა, რომლის გარეშე ადამიანს არ ძალუძს მცნებების დაცვა; წმ. თეოფანე დაყუდებული ძალიან მოკლედ და გასაგებად გვიხსნის ამას: „ცხონებისათვის მადლია საჭირო; სად მიიღებ მას ეკლესიის გარეთ? მადლი მოგვეცემა წმიდა საიდუმლოებების მეშვეობით, ხოლო ისინი წმიდა ეკლესიაშია დაცული. საიდუმლოთა შესასრულებლად საჭიროა სამღვდელოება; ჭეშმარიტი სამღვდელოება კი მხოლოდ ეკლესიაშია. გამოდის, რომ ვინც ეკლესიის გარეშეა, მას არც სამღვდელოება გააჩნია, არც საიდუმლოებები და არც მადლი“.[1]
[1] Епископ Феофан Затворник, "О Православии", М. 1893, გვ.124.
შემდეგი
სარჩევი
|
