|
წმ. ეპისკოპოსი ეგნატე ბრიანჩანინოვი
წერილები
საკუთარი თავისათვის ცხოვრება ღვთისაგან განშორებას ნიშნავს. სასიკვდილო სნეულებისაგან განკურნებულს
"რამეთუ არავინ ჩუენგანი თავით თვისით ცოცხალ არს და არავინ თავით თვისით მოკუდების. რამეთუ გინათუ ცხოველ ვართ, უფლისად ცხოველ ვართ, და გინა თუ მოვწყდებით, უფლისა მიერვე მოვწყდებით; გინა თუ ცოცხალ ვიყვნეთ, გინა თუ მოვწყდეთ, უფლისანი ვართ" (რომ. 14. 7-8). რადგანაც დარჩი ამ სოფელში, საკუთარი თავისთვის კი არა, უფლისთვის იცხოვრე: უფლისთვის ცხოვრობს ის, ვინც მისი ნების აღსრულებისთვის ცხოვრობს; ხოლო ვინც თავისი სურვილების დაკმაყოფილებას ესწრაფვის, ის საკუთარი თავისთვის ცხოვრობს. მართალია, მხოლოდ ხორციელი თვალით მხედველებს ეს უკანასკნელი ცოცხალი ჰგონიათ, მაგრამ სინამდვილეში ის სულით მკვდარია, უფლისათვის არარსებულადაა შერაცხული, ცოცხალთა წიგნში აღარ წერია, მისი სახელი სულ სხვა წიგნშია შეტანილი. ღმერთი მისთვის თითქოს არ არსებობს: არ არსებობს ღმერთი იმ ადამიანისთვის, ვისაც არა აქვს ღმერთის ცოცხალი სარწმუნოება! ვინც უფლისთვის ცხოვრობს, ის არ კვდება: ხორციელი სიკვდილის გზით მხოლოდ ცხოვრების აღმატებულ ხარისხში გადადის. გაფრთხილდი, რათა ამა სოფლისთვის ცხოვრება არ დაიწყო! უფლისმიერი ცხოვრებით მოაკვდინე შენი ცოდვილი, ხორციელი და მშვინვიერი ცხოვრება და ამით შეინარჩუნე საკუთარი თავი საუკუნო ცხოვრებისათვის.
სარჩევი
|
