რატომ გაუქმდა გლადიატორთა ბრძოლები

ნეტარი თეოდორიტე კვირელი, საეკლესიო ისტორია, წიგნი V

თავი 26. იმპერატორი ჰონორიუსი და ბერი ტელემაქე

ჰონორიუსმა, რომელმაც მემკვიდრეობით მიიღო მეფობა ევროპაზე, შეაჩერა გლადიატორთა ბრძოლები, რომლებიც დიდი ხნის განმავლობაში იმართებოდა რომში. მისი ამ ქმედების მიზეზი შემდეგი ამბავი გახდა. იყო იმ დროში ერთი კაცი, სახელად ტელემაქე, რომელმაც ასკეტური ცხოვრება შეიყვარა. ის აღმოსავლეთიდან გაემგზავრა და საგანგებოდ რომში  იმ დროს ჩავიდა, როდესაც ის საზიზღარი სანახაობა (გლადიატორთა ბრძოლა) იმართებოდა. ის მივიდა ასპარეზობის ადგილას, ქვემოთ ჩავიდა და ცდილობდა შეეჩერებინა მებრძოლები (გლადიატორები), რომლებიც იარაღით იბრძოდნენ ერთმანეთის წინააღმდეგ. სასაკლაოს მაყურებლები აენთნენ დემონისმიერი მძვინვარებით, რომელიც ხარობს ადამიანთა სისხლისღვრით და ჩაქოლეს მშვიდობისმყოფელი. როდესაც საკვირველმა იმპერატორმა ამის შესახებ შეიტყო, მან ტელემაქე ჩარიცხა ძლევაშემოსილ მოწამეთა რიცხვში (ანუ მისი ინიციატივით ეკლესიამ  წმინდანად შერაცხა) და ბოლო მოუღო ამ უსჯულო სანახაობას.