წმ. მღვდელმთავარი ფილარეტ მოსკოველი

სანუგეშო წერილი ეპიდემიის ჟამს

ამბობთ, რომ უბედურებებში ხართ – რომლებში? ერთ უბედურებაში ხომ არა, სნეულების საშიშროებაში (იგულისხმება ქოლერის ეპიდემია - მთარგმნ.)? თუკი ასეა, გავიხსენოთ, რომ ყოველ წუთს შეიძლება მოვკვდეთ, როცა სნეულება არც კი გვემუქრება; გავიხსენოთ, რომ საშიშროება პირველად ჩვენთან არ მოსულა და ღმერთმა თავისი განგებულებით მრავალნი დაიცვა, ვის გარშემოც ის მიმოდიოდა. ვისთვისაც ჯერ კიდევ საჭიროა მიწიერ ცხოვრებაში მოღვაწეობა, ღმერთი დატოვებს, ხოლო თვითონ არ უნდა მიიზიდონ უბედურება. ვისთვისაც მოვიდა ჟამი ამსოფლიდან მშვიდობით გაყვანისა – „ნეტარ არს, რომელი გამოირჩიე და შეიწყნარე“, უფალო (ფსალმ. 64,5). სიფრთხილე გამოიჩინეთ იმის მიხედვით, რაც იცით, ხოლო რაც არ იცით, მიანდეთ უფლის ნებასა და განგებას და თქვით: „ვიდოდი ღათუ შორის აჩრდილთა სიკუდილისათა, არა შემეშინოს მე ბოროტისაგან, რამეთუ შენ ჩემ თანა ხარ“ (ფსალმ. 22,4). ხოლო იმისთვის, რომ ღმერთი ჩვენთან იყოს, იცით, რაცაა საჭირო – რომ ჩვენ ვიყოთ მასთან. შევთხოვ მას, რათა მოგანიჭოთ ეს ლოცვაში, რწმენაში და სიყვარულში.

1831 წლის 9 აგვისტო